Af ýmsum ástæðum... þá sérstaklega ekki nægri ánægju með kerfið hér... hef ég ákveðið að flytja mig um set Nýja svæðið mitt er: http://soo.gbfo.net kveðja...

Kl 14:15 í dag kom lítil prinsessa i heiminn, hún er 13 merkur og 50 cm, og án efa gullfalleg. Hinir stoltu foreldrar eru Ína og Jón Ingi og stóri bróðir hennar er Sindri Þór.. Innilega til hamingju með prinsessuna elsku fjölskylda
kv. kjallaraliðið

Nóg búið að vera að gera þessa vikuna.. Skotta litla náði sér í streptakokka síðustu helgi og fékk sýklalyf og er núna að nálgast að klára skammtinn og orðin góð í hálsinum... en hún hóstar skelfilega mikið á nóttunni greyið. Gaurinn er hress og kátur og eru þau bæði vel sátt við góða veðrið. Eins og gefur að skilja var skotta litla heima síðustu viku... fekk reyndar grænt ljós á að fara í leikskólann á miðvikudag, en það var eini dagurinn sem hún fór í leikskólann. Það var nefnilega sveitaferð hjá eldri deildunum á fimmtudag, en hún fór með yngri deildunum svona svo ég væri ekki að fara oft í sveitaferð. Svo var skipulagsdagur á föstudag. Löng og góð helgi hjá okkur fjölskyldunni Ég brunaði með krílin austur á föstudag og þau hlupu að sjálfsögðu beint út að leika þegar við komum og komu ekki inn fyrr en bara til að borða kvöldmat um 8 leitið... svo skelltum við okkur í smá kvöldgöngu og sofnaði gaurinn í kerrunni sinni, þannig að ég "slapp" við að svæfa hann það kvöldið skotta svaf í tjaldi uppi á lofti (svo mikið pláss núna þarna í sveitinni) Reyndar svaf ég nú ekki mikið þá nóttina, skotta sofnaði MJÖG seint... og gaurinn vaknaði stuttu eftir að hún sofnaði og vakti í dágóðan tíma... náði svona 3 tímum í það heila þá nótt.. enda líka rak mamma mig að sofa þegar hún var vöknuð og þau pabbi voru með krílunum úti að leika.. og ég svaf fram yfir hádegi mjög langt síðan ég hef sofið svona fram eftir degi.. og eins gott og það var að sofa þá fannst mér samt svo ónýtur dagurinn.... Við fórum heim seinnipart laugardagsins til að taka á móti Rolla í mat. Krílin eru alltaf mjög spennt að fá hann í heimsókn, halda líka talsvert mikið upp á hann og Evu já.. Eva... sara spurði hvenær þú ætlaðir að koma líka... Á sunnudag hjálpuðumst við fjölskyldan að taka til í dóti þerra systkina... og svo fóru þau systkin í heimsókn til Esterar frænku og Marí Lindar sinnar. Þau fóru með þeim frænkum sínum út á róló sem gekk nú bara glimrandi vel. Svo komu þau heim með Ester og Maríu Lind og við grilluðum öll saman. Mjög næs bara... Sem sagt afslöppun og notalegheit þessa helgina hjér í kjallaranum

hér eru úrslit úr skoðanakönnuninni sem er búin að vera í nokkra mánuði... hver er best? pretty woman 44% dirty dancing 11% clueless 0% grease 33% coming to america 11% ten things I hate about you 0% Atkvæði voru alls 9 Skil ekki að enginn haf valið 10 things I hate about you.... hmmm... og Grease fær næstflest atkvæði... hefur aldrei verið í neinu uppáhaldi hjá mér sko... Dirty dancing er svona æskuminningar, sama með Ccoming to america.. Clueless er barn síns tíma og gaman að kíkja á hana aftur... Pretty woman... já.. ágætis ræma, en, eins og Grease ekki í sérstöku uppáhaldi... 10 things I hate about you... mmmm.. ég uppgötvaði Heath Ledger... úff.. þvílík fegurð Hef lúmskt gaman af henni skelli inn nýrri könnun Endilega tjáið ykkur soo

Prófin búin og sumarfríið tekið við... fyrsta verk mitt í sumarfríinu var að rölta með krílin mín í leikskólann Sara var á hlaupahjólinu sínu og Einar Þór í kerrunni... vá hvað ég sé sko ekki eftir að hafa keypt þessa kerru, hún er sko alveg æðisleg. Þetta er ágætur spotti upp á við að ganga héðan, en að fara til baka tekur enga stund. Svo er á dagskránni að fara gangandi að sækja þau líka.. jebb.. lítur út fyrir að smá líkamsræktarátak sé að eiga sér stað.. haha.... en já.. ég ætla að vera dugleg ið þetta í suamr, enda mjög svo yndislegt að fara í gönguferð í svona frábæru veðri. Svo var það morgunmaturinn núna áðan, mixaði saman skyri, smá léttmjólk, banana og jarðarberjum, mjög gott sko eina sem vantar er smávegis af klökum. Núna ætla ég að koma mér í að taka til hérna og jafnvel pakka því sem við notum sjaldan í kassa, og auðvitað henda því sem hægt er... minnka vel við okkur draslið... smá hressandi vor/sumar hreingerning Knús til allra

Þá er hún hafin, hin dásamlega prófatíð, tíminn sem sérhver nemi bíður með eftirvæntingu 2 sinnum á ári.. eða... er það ekki Spenningurinn hófst í morgun með prófi í LLÖ, eða lyfjalögum. Sem er með "eindæmum" skemmtllegur áfangi, prófið gengur hreinlega út á að fletta upp í lögunum til að svara spurningunum... mjö svo skemmtilegt. Mér gekk ágætlega í þessu prófi og svaraði öllu, vonandi bara hef ég verið að vísa í rétt lög og svona Næsta próf er ekki fyrr en á föstudaginn, en það er lyfjahvarfafræðin, er svona að byrja að læra hana, ekki mikið lesefni sem slíkt, en mikið að muna, en þessir dagar fram að því prófi nýtast vel til að lesa fyrir næstu viku.. en þá eru öll prófin sem eftir verða... í einum hnapp nánast... já, svona meðan ég man.. þá er þetta blogg fyrir ingu you get my drift

Ó síðustu viku voru árdagar (svona eins og vakningardagarnir í Flensborg) Þannig að engin kennsla var síðustu viku.. hefði samt átt að vera kennsla á mánudag og fyrstu 2 tíma a þriðjudag.. en vegna fjarveru kennara þá var frí hjá mér allan mánudag og í seinni tímanum á þriðjudeginum... Ég var búin að skipuleggja alveg árdagana mína, finna þá fyrirlestra sem ég ætlaði mér á og hlakkaði nú bara svolítið til... Ég fór á mánudagsmorgun með krílin í leikskólann og átti svo von á bekkjarsystir minni til mín í verkefnavinnu... krílin voru mætt í leikskólann rétt fyrir 8 og rétt fyrir kl 10 fékk ég símtal... Grunur að Einar Þór væri kominn með hlaupabólu og ég beðin að koma að ná í hann. Ég bruna af stað og sæki litla skinnið, jújú það var ágætis ættarmót bóla mætt á magann á honum... og svo fór gestum bara fjölgandi, en héldu sig í hópum á búknum.. útlimir og andlit sluppu, fyrir utan eina og eina flökkubólu.. En greyið endaði að vera heima alla síðustu viku og ég með honum. Þetta var væg útgáfa af bólunni og hann fær nú engin ör amk eftir þetta. En hann fór í leikskóla í morgun Það er þó ekki þar með sagt að fjölskyldan sé búin að ná heilsu... ónei.. ég er fallin, hausverkur, hálsbólga, beinverkir, hiti, slappleiki og slen ætli þetta sé ekki hin alræmda flensa?? Ég svaf ekkert í nótt vegna vanlíðunar og er enn talsvert slöpp.. fór ekki í skólann í morgun enda ekki mikið vit í að vera að flækjast með hita.. sé til með morgundaginn... Vonandi næ ég heilsu sem fyrst og að þetta veikindastúss sé búið hér á heimilinu.. búið að vera allt of mikil veikindi, sérstaklega á lita prakkaranum mínum... knús allir saman (get amk tjáð mig skriflega... geri ekki mikið af því munnlega núna) Hrós febrúarmánaðar á Ester vinkona, þú stendur þig ótrúlega vel. You go girl

Mikið að gera núna... læra og læra.. Það er ekki alltaf dans á rósum að vera með börn og í meira en 100% námi... en það bjargast nú. 

fær enn og aftur litla frænka barnanna minna hún Ásdís Halla og foreldrar hennar. Þau eru hreinlega hetjur og ég dáist að dugnaði þeirra. Elsku fjölskylda, hugur minn og hjarta er hjá ykkur í dag og veit ég að það er mikil þörf núna. Hún er lítið ljós í lífi okkar lita Ásdís Halla og hefur gefið okkur svo mikið á þessum stutta tíma, vonandi, með Guðs náð fær hún tækifæri í framtíðinni til að gefa okkur enn meira og hlýja hjörtu okkar. Við elskum þig óendanlega mikið litla snót.

Gleðileg jól allir saman Vonandi hafa sem flestir átt gott kvöld í gær með sínum nánustu. Mitt kvöld var mjög gott.. þangað til lllllælupestin bankaði uppá hjá mér og litlu snúllunni minni Ég hélt um tíma að þetta væri mitt síðasta... þvílík vanlíðan og ógeð... en er nú öll að koma til núna, sem betur fer. En ég er nú búin að fresta jólaboðinu sem ég ætlaði að vera með í kvöld.... enda er mamma lika komin með þetta En svona að öðru, þá var pakkaflóðið á Grettisgötunni það mesta sem hefur sést í manna minnum... held að pakkar hafi þakið þriðjung stofugólfsins... enda var mikið um góðar gjafir, henda ungum sem öldnum... Núna get ég t.d. hringt á ný í símanúmer sem innihalda tölustafinn 0... Arnar getur borað göt á alla veggi óháður snúru.... Einar þór getur elt hann með sína Black&Decker borvél, Sara getur efnagreint alla lifandi og dauðu hluti... grunar að gras, vatnsdropar og blóm verði einna vinsælast... fékk voða flott smásjársett skvísan

Jæja, lol lprófið búið... sem ég hef kviðið hvað mest.. Gekk bara þokkalega held ég, en það er þungu fargi af mér létt. Skvísan mín fékk að lúlla hjá ömmu sinni og afa (mömmu og pabba) í nótt þannig að guttinn var einn heima með mömmu sín og pabba. Við kíktum aðeins inn á Grettó, er orðið svo flott þar eftir breytingarnar, stofan búin að stækka um svona 30fm og kemur bara vel ´út að hafa tv-herbergið í kjallaranum, í gamla herb. henar Esterar. Það verður hellings stuð á aðfangadag á grettó, öll hersingin verður á staðnum, í fyrsta sinn sem öll frændsystkinin verða saman á aðfangadag.. eða næstum því öll. Ásdís Halla verður á spítalanum, hún er ekki væntanleg heim næstum því strax litla skinnið. Hún er okkur alltaf ofarlega í huga. Elsku litla hetjan okkar Halla sýndi mér myndir í gær af henni að halda á litlu nöfnu sinni i fyrsta sinn, svo falleg mynd. En það var bara núna í liðinni viku sem hún var tekin. Svo sýnid Halla okkur bleiu eins og Ásdís Halla var með fyrst, miklu minni en baby born bleia. Og sú bleia náði litlu dömunni langt upp að bringu. Núna er hún komin með bleiu sem er á stærð við baby born bleiu, og hún er ágætlega vel stór á hana. Þannig að þið sjáið að hún er bara smá písl ennþá. Hún er núna 3 mánaða og 6 dögum betur en það Sem þýðir að við erum búin að fá óskir okkar uppfylltar í 3 mánuði og 6 daga. Allt lítur ágætlega út núna.. reyndar er komin í ljós einhver skemmt í augnbotni... Það kemur í ljós á næstu dögum eða vikum hvort um varanlega skemmd er að ræða. En í besta falli gengur þetta til baka og í versta falli orsakar þetta blindu. Orsök fyrir þessu er óljós. Til greina kemur að reyna aðgerð til að stöðva skemmdina.... lagar ekki, en getur komið í veg fyrir frekari skemmdir. Og ef það verður farið út í þá aðgerð verður líka í leiðinni framkvæmd aðgerð við hjartað til að loka fósturæðinni. Maður er alltaf með hugann hjá litlu fallegu hetjunni. Vonandi fer þessum bakslögum nú að ljúka... alltaf þegar maður heldur að hún sé sloppin kemur eitthvað nýtt uppá og hún hristir það alltaf af sér, þessi líka heilmikla hetja okkar Við elskum þig Ásdís Halla, litla stórhetjan okkar Over and out

Nóg að gera þessa helgina. Læra... er reyndar búin að vera með góðan tíma fyrir prófið sem er á mánudaginn og búin að vera þvílíkt dugleg þannig að ég ákvað að taka mér pásu í dag.. fór í afmæli með kallinum og krökkunu. Til Sigríðar Yrsu og Ragnars Arilíusar. Mjög fínar veitingar þar Einar Þór var svo svakalega þreyttur, sofnaði á leiðinni í afmælið og svaf megnið af tímanum sem við vorum þar. Eftir afmælið fórum við í Smáralindina, í kaupæði... Ég fékk mér: gallabuxur, 1 svartar buxur, buxnadragt, skyrtu, topp, 2 peysur, íþróttabuxur og skó.... jáhá.. bít ðett!!! var svona eiginlega jólagjöf frá elskunni minni.. sem sagt í staðinn fyrir að hann sé að reyna að finna eitthvað brilljant handa mér þá tók ég bara í gegn fataskápinn minn... get núna tekið út gömlu slitnu fötin og svona.. var orðið svolítið þreytt fataúrvalið mitt.. virðist ganga í fötunum þar til þau eru bara orðin gatslitin;S Við erum núna búin að vera að kubba með krílinum okkar síðan við komum heim... ýmsir flottir hlutir skapaðir Á morgun er það lærdómur aftur hjá mér... Arnar að vinna.. Sara Dögg fer í afmæli kl 11 í fyrramálið, kl 13 er jólaballið í leikskólanum, mamma og pabbi ætla að fara með krílin okkar þangað og svo verða þau hjá ömmu og afa áfran eftur jólaballið.. gefa litlu múttunni tíma til að læra.. og Arnari tíma til að vinna, mikið sem hann þarf að vinna upp eftir þessar 2 vikur sem hann var veikur. Fórum annars á A-Hansen að borða í gærkvöld. Geggjað gott, fengum okkur humar í forrétt, ,plankasteik í aðalrétt og Arnar fékk sér súkkulaðiköku í eftirrétt en ég fékk mér geggjaða eplaköku Fórum svo bara heim þegar við vorum búin að borða og slaka aðeins á... Fanný var að passa fyrir okkur.. Hún var ekkert smá hissa þegar við komum.. skammaði okkur eiginlega bara..... við vorum nefnilega komin heim fyrir kl 22 Svo til að toppa það þá vorum við farin að sofa um 23... góð í þessu við hjónleysin over&out

nóg að gera þessa dagna í lærdómnum, verkefni og verkefni... Var að flytja eitt áðan, gekk bara mjög vel, ekkert stress eða neitt, leið bara mjög vel að tala fyrir framan bekkinn. Enda líka er maður farinn að kynnast þessum stelpum ágætlega. Var reyndar frekar léleg mæting í tímann, svona eins og getur gerst í fyrsta tíma á svona köldum köldum vetrarmorgni. Er búin að vera vakandi síðan kl 6 í morgun, og fór ekki að sofa fyrr en kl 2 í nótt... var í svo rosalega miklu læristuði að ég bara gat ekki hætt. Var líka VEL þreytt í morgun. Dagurinn í dag er svona frekar skrítinn, fyrsti tími var bara hálfur, svo á ég ekki að mæta fyrr en kl 10 30 aftur, reyndar er ekki mæting í skólann þá, heldur erum við að fara í heimsókn í Lyfjaval. Gaman það.. Býst við að það verði svona um klukkutími sem fer í það... þá er ekki tími aftur fyrr en kl 13..... sem ég er ekki viss um hvort verði því kennarinn var í gær að tala um að næsti tími verði ekki fyrr en á föstudaginn.... en ég held að hún sé eitthvað að ruglast... veit að tíminn verður ekki á fimmtudaginn og ég er ekki í þessum tímum á miðvikudögum... ætla nú að mæta upp í skóla og sjá hvað setur... tapa nú engu á því. Einar Þór er að hætta alveg að nota pela núna, tók hann milli 30 og 40 mín að sofna í gærkvöld... æ hvað ég vorkenndi greyinu og mátti hafa mig alla við að hlaupa ekki inn til hans með pelann... en ég stóð mig nokk vel held ég bara og gaf ekki eftir.. Svo er hann líka farinn að pissa í kopp þegar hann vaknar, þvílíkt sport sko. Dugnaðar strákur sem ég á sko. Svo er Sara Dögg óðum að læra að skirfa stafina.. er komin ágætlega á vef með a, e og s... þekkir orðið þónokkra stafi og er óð í að læra þetta betur. Kannski verður hún eins og mamma sín, læs áður en hún byrjar í skóla... en ætla nú ekki að ýta neitt á hana með það samt.... Jæja, nóg í bili... adios amigos

Jebb... við hjónleysin skelltum okkur út úr bænum í gær. Komum krílunum fyrir í pössun hjá ömmum og öfum. Og héldum austur fyrir fjall. Nánar tiltekið á hótel Rangá. Það var ekkert smá næst, bara ferlega flott hótel og góður matur, mjög gott herbergið. Slökuðum vel á þarna og komum endurnærð í bæinn aftur í dag. Beggi kíkti til okkar í mat í kvöld, kom með nýju tölvuna mína sem er bara æðisleg. MAcBook tölva, hvít og klikkað sæt og flott hehe... hlakka til að læra almennilega á gripinn. Núna langar elskunni minni líka í svona tölvu... eða sko svona mac borðtölvu.. hehe.. flottur og góður gripur Nóg í bili.. skirfa kannski næst innan mánaðar

Þessi helgi er búin að vera nokkuð góð bara. Loksins er stofan komin alveg í það stand sem hún á að vera í og koma nýju húsgögnin bara mjög vel út finnst okkur. Og að sjálfsögðu eru þau með eindæmum þægileg.

Beggi kom í mat til okkar á föstudaginn, humar og nautasteik, slurpiddíslurp.. Það var auðvitað ekkert annað en góður matur.

Á laugardaginn fór ég með krakkana til tengdó fyrir hádegi í pössun. Og þau eru þar enn, má víst ekki ná í þau fyrr en Einar Þór er búinn að lúlla sig. En við vorum að fara í brúðkaup í gær, endaði nú þannig að ég fór ein í brúkaupið þar sem Arnar er sárlasinn greyið.
Bríet frænka og Steinn voru að gifta sig. Athöfnin var yndislega falleg, hún var í Skálholtskirkju. Hinrik Dagur var eins og ljós í kirkjunni, tók hlutverk sitt sem hringaberi MJÖG alvarlega. Algjör rúsína, í kjólfötum og hvaðeina
Svo var haldið í veisluna, en hún var í Básnum, Ingólfsskála í Ölfusi. Ekkert smá flottur skáli, svona svolítið í víkingastíl og mjög gott andrúmsloftið inni. Veislan var stórkostlega skemmtileg, svo lifandi og bara æðisleg. Og haldiði ekki að ég hafi ekki farið upp og haldið smá ræðu.. var smápínu stressuð og titraði þegar ég settist aftur niður. En Bríeti þótti svo vænt um að ég hafi talað til þeirra að það bætir allt stressið upp Hinrik Dagur var auðvitað algert ljós í veislunni og fannst svo rosalega gaman að gifta sig (já hann var líka að gifta sig)
Veitingar voru allar svakalega góðar og stendur svolítið uppúr djúpsteikti saltfiskurinn, nammminamm... og ég sem borða ekki saltfisk!!! En þetta var alveg sérlega gott..

Nú það var svo tjúttað fram á nótt, og var undir lokin, ásamt brúðhjónum góður hópur ungs fólks eftir að stíga léttan dans. Beggi var driverinn minn þannig að ég skellti í mig 3 eða 4 bjórum, bara nett á því og við vorum komin heim rúmlega 3 í nótt.
Þetta brúðkaup var bara nánast eins og mitt draumabrúðkaup, að skemmta sér með sínum nánustu og bestu vinum. Held hreinlega að þetta hafi bara verið eitt skemmtilegasta brúðkaup sem ég hef farið í

Og í lokin... Til hamingju með gærdaginn elsku Bríet og Steinn.. elska ykkur